Un vento vén

Lugo, 21 Maio 2023 · 12h30

A produción de enerxía renovable ten que levarse a cabo dun xeito racional e ordenado, e non a base de modificar a lexislación para dificultar a participación social e sen ter en conta os seus impactos medioambientais e humanos, como está a acontecer arestora coa proliferación masiva de polígonos industriais eólicos imposta pola Xunta de Galicia e o Goberno do Estado ao rebufo dos intereses do oligopolio enerxético.

Pedimos que se pare de xeito inmediato o plan eólico vixente e os proxectos en trámite, e que se aposte por un modelo enerxético transparente, xusto, descentralizado e descarbonizado, que potencie a soberanía enerxética dos pobos, con redución do consumo e sustentado en redes de distribución local.